10 de Diciembre

2° Domingo de Adviento

MA’ALOB PÉEKTSIL (Evangelio)

Lela’ u xookil u Ma’alob Péektsil Yuumtsil Jesucristo dsíibta’an tumen San Marcos (1, 1-8)

U ma’alob Péektsilil Yuumtsil Jesucristo u kóot Paal Kuje’ j-chu’unpaj beya’.  Aj bóobat Isaias’ tu dsíibtaj ba’ax tu ya’alaj Ku’:

kin túuxtik in bisaj t’aan ta táan u ti’al ka u nu’ukt a beel. Táan u yu’uba’al u t’aan jun túul máak ku ka’am t’aan ti’ jun p’éel x-tokoy lu’um: “Nu’ukte’ex u beel Yuumtsil, jolch’akte’ex jun p’éel toj bej ti’”.

Bey taalik Juan u dsáa okja’ ti’ le máako’ob te x-tokoy lu’umo’, táan u ya’alik ti’ob unaj u kexik u tuukulo’ob yéetel ka oka’janako’ob u ti’al ka sa’atsa’ak u kebano’ob. Tuláakal u kajnáalilo’ob u lu’umil Judea yéetel u kajnáalilo’ob Jerusalén jóoko’ob u yu’ubo’ob. Le ka tu káantajo’ob u kebano’obe’, dsa’ab u yoka’ob tumen Juan tu ja’il Jordán.

U nook Juan beeta’an yéetel u tso’otsel camello, u kaxnake’ kéewel, u janale’ sáak yéetel káaxil kaab. Tse’eknaj ti’ le máako’obo, táan u ya’alik. Tin paache’ táan u taal jun túul asab yaan u páajtalil ti’ teen, ma’ táan in najmatik in p’oktal in wach’u táabil u xanab.  Tene’ tin dsaj a wokja’ex yéetel ja’, ba’ale’ leti’e’ bíin u dsáa a wokja’ex yéetel Kili’ich Iikal.

Lela’ U t’aan Yuumtsil

Nojbe’enil ti’ tech Yuumtsil Jesús.